正所谓一物治一物,夫妻之间嘅相处除咗要两情相悦之外,好多时候反而系惺惺相识,越闹越恩爱。点解咁讲?睇下圈中公认嘅恩爱夫妻陈小春同应采儿就知道啦。结婚8年,两公婆经历过七年之痒越爱越甜蜜,仲时不时全家出动揾真银,喺屏幕前同大家放闪,呢个简直就系放闪嘅最高境界!
  
  应采儿自爆佢同陈小春嗰啲夫妻琐事简直毫无保留,佢成日上节目讲佢点同陈小春相处,简单嚟讲就系,你恶?我仲恶过你。
  
  佢话自己曾经打喊过陈小春,大家都知道山鸡哥脾气火爆,成日都摆住副chock样,真系冇几多个女仔能够消受,点知应采儿一啲都唔惊。
  
  应采儿仲成日学小春发嬲个样,超级搞笑架,小春都冇佢符呀!娶咗个老婆应采儿仲恶过佢。自己拣嘅老婆,喊住都要同佢过世啊!
  
  有其女必有其父,小春个外父外母都系搞笑底。应采儿自爆小春第一次去佢屋企拜见外父外女,仲叫应采儿老窦“叔叔”,点知俾应采儿老窦窒返佢,话“我先大你6岁,你唔好叫我叔叔!”小春即时投嗮降啊!应采儿呢招剑走偏锋嘅驭夫术真系唔系个个都咁啱用,或者唔系个个男人都好似陈小春咁钟意你打喊佢,但系对於嗲功,就真系冇几个男人可以抵挡得住啦。
  
  大S就系用嗲功嚟收服富二代老公汪小菲。喺佢同老公合拍嘅综艺中,大S真身示范俾大家睇咩叫撒娇的女人最好命,无时无刻唔系喺度同老公撒娇!
  
  成日黏实汪小菲,再加上楚楚可怜嘅样,同甜到漏嘅一声“老公”,试问汪小菲点招架得住?大S仲有一招剥虾论,讲紧嘅就系大S一定要老公剥虾俾佢先会食,佢系唔会自己剥虾嘅。真系够嗮矜贵,但系汪小菲非常受落,仲表示非常愿意帮老婆剥虾。
  
  汪小菲仲喺微博同网友争论,反驳网友嘅质疑。锡老婆嘅男人好似好多,但系锡老公嘅老婆点解好似冇几个嘅?No... 内地演员郭晓东同佢太太程莉莎就正正相反。程莉莎喺节目上同应采儿大讲自己嘅恋爱经历同婚姻观,听到应采儿都吓一跳!
  
  郭晓东同程莉莎都系演员,郭晓东有名嘅作品唔多,几年前参加《真正男子汉》呢个综艺,佢跟住一般演员一齐体验军中生活,获网民大赞佢够嗮有男人味。
  
  程莉莎性格浪漫,温柔,当初同郭晓东拍拖分分合合好多次,程莉莎始终最爱嘅都系郭晓东,佢结婚之後对老公百依百顺,一切以老公为主,连婚礼都系按照老公嘅意思搞。
  
  唔知系咪太太程莉莎都睇啱佢呢点,程莉莎喺节目中同应采儿毫不掩饰对老公嘅爱慕,直言老公第一,儿子第二。
  
  程莉莎出身城市小康之家,郭晓东就系个穷小子,但程莉莎唔单只毫不介意,仲觉得要维护老公自尊心。其实试问有几多个女仔可以接受呢种婚礼。所以连应采儿都甘拜下风!系咩令佢为老公咁大牺牲?系爱呀!
  
  爱情呢啲嘢如果可以用道理解释得通就唔系爱啦。应采儿,大S,程莉莎,佢地嘅婚姻就真系应嗮嗰句老话,如人饮水冷暖自知呀。